Time Management -- Part 2

Image Source

Dosto humne part 1 me jaana tha ki time management kya hai. Or iss post me hum jaanege ki Time ko manage kaise kare. Aapko karna bas itna hai ki jo points neeche diye gaye hai unko follow kare.Agar aapne part 1 nahi pada hai to yaha click kare.

--> Khud ko anushashit kare (Self-discipline)

--> Kabhi-Kabhi "naa" kehne ki bhi aadat daale.

-->Apne kaam ko prathmiktaaye de. Apne kaam me dekhe ki kon sa kaam Important hai, or urgent hai. phir dekhe ki Important, urgent hai to usi kaam ko pehle kare.

-->Apni life me santulan rakhe. Inn cheezo ko kabhi undekha na kare, ye aapki life ke important areas hai jaise -- aapki health, aapki family, aapka kaam, aapki taiyari, isme aap spiritual life ko bhi jod sakte hai. Ye aapke liye Important bhi hai or urgent bhi.

--> Apne sathi kaam karne waalo ke sath mitrata poorvak vyavhaar kare.

--> Aap apna goal or prathmiktaaye taiyar kare.

--> Hamesha apna M.A.P taiyar rakhe. My Action Plan. aap apne ek saal ka plan taiyar kare ki mujhe ek saal me itna karna hai. Or jaise hee aapka goal pura ho aap dusra plan taiyar kar le. Or apne Map ko baar-baar dekhte rahe taki aapko remind hota rahe.

--> Jimmedaar bane- jimmedaar banne se matlab ki aap apni life ki jimmedariya swikaar kar rahe hai.

--> Jo aapka time kharab karte hai unko pehchaane-- Kuch cheeze hai jinse hum jaane-anjaane me time waste karte rehte hai jinhe hum time wasters kehte hai ---

   * T.V

 * Baate karne me.

 * Jyada sone me.

 * Jyada der tak nahaane me.

 *Make up karne me jyada time kharab karte hai hum.

 * Kabhi-kabhi hum apne kapde choose karne me hee apna time kharab kar dete hai.

 * Shopping karne me.

 * Phone par baat karne me or chatting karne me.

 * Kisi cheez ka decision der me le paate hai jisse hamara time kharab ho jaata hai.

Kuch hamare ander ke timewasters bhi hote hai, jinhe hum internal timewasters kehte hai jaise---

 * Uddeshya (object) ki kami.

 * Hamara aaj ka plan kya hai, hame kitna karna hai, hamari prathmikta kya hai iss cheez ki kami.

 * Koi kaam adhura chhd dena.

 * Decision na le paana or taalmatol karna.

Samay ki keemat --

* Agar aapko ek saal ki keemat ka pata karna hai to aap us student se puchiye jo ek grade se fail ho gaya hai.

* Agar aapko ek mahine ki keemat ka pata karna hai to aap us maa se puchiye jisme ek bacche ko janm diya hai.

* Agar aapko ek saptah ki keemat ka pata karna hai to aap us editor se puchiye jo weekly newspaper me kaam karta hai.

* Agar aapko ek din ki keemat ka pata karna hai to aap ek majdoor se puchiye.

*Agar aapko ek ghante ki keemat ka pata karna hai to aap us aashiq se puchiye jo apni saathi ka intezaar kar raha hai.

* Agar aapko ek minute ki keemat ka pata karna hai to aap usse puchiye jisne apni train miss ki ho.

* Agar aapko ek second ki keemat ka pata karna hai to aap us vyakti se puchiye ji ek bade accident se bacha ho.

* Agar aapko ek millisecond ki keemat ka pata karna hai to aap us vyakti se puchiye jisne olympic me gold medal jeeta hao.

Me aasha karta hu ki aap hamari inn post ko padke apna time waste hone se bacha sakte hai. Iss post ko padne ke baad bahut se mere dost sochege ki mene to bahut time waste kar diya ab kya fayda. Kaha jaata hai ki-- Yesterday is history Tomorrow  is mystery, Today is a gift. To isliye ise present kaha jaata hai. To aap bhi aaj se hi shuruaat kare.